1.
-
görüp ahkâm-ı asrı münharif sıdk u selâmetten
çekildik izzet ü ikbâl ile bâb-ı hükümetten
usanmaz kendini insan bilenler halka hizmetten
mürüvvet-mend olan mazlûma el çekmez iânetten
hakir olduysa millet, şânına noksan gelir sanma
yere düşmekle cevher sâkıt olmaz kadr ü kıymetten
vücudun kim hamir-i mâyesi hâk-i vatandandır
ne gam râh-ı vatanda hâk olursa cevr ü mihnetten
muini zâlimin dünyada erbâb-ı denâettir
köpektir zevk alan sayyâd-ı bi-insâfa hizmetten
hemen bir feyz-i bâki terkeder bir zevk-i fâniye
hayatın kadrini âli bilenler hüsn-i şöhretten
nedendir halkta tûl-i hayata bunca rağbetler
nedir insana bilmem menfaat hıfz-ı emânetten
cihanda kendini her ferdden alçak görür ol kim
utanmaz kendi nefsinden de ar eyler melâmetten
felekten intikam almak demektir ahl-i idrâke
edip tazyid-i gayret müstefid olmak nedâmetten
durur ahkâm-ı nusret ittihâd-ı kalb-i millette
çıkar âsâr-ı rahmet ihtilâf-ı re'y-i ümmetten
eder tedvir-i âlem bir mekinin kuvve-i azmi
cihan titrer sebât-ı pây-ı erbâb-ı metanetten
kazâ her feyzini, her lûtfunu bir vakt için saklar
fütûr etme sakın milletteki zâ'f u betâetten
değildir şir-i der-zencire töhmet acz-i akdâmı
felekte baht utansın bi-nasib erbâb-ı himmetten
ziyâ dûr ise evc-i rif'atinden ıztırâridir
hicâb etsin tabiat yerde kalmış kabiliyetten
biz ol nesl-i kerim-i dûde-i osmâniyânız kim
muhammerdir serâpâ mâyemiz hûn-i hamiyetten
biz ol âli-himem erbâb-ı cidd ü içtihâdız kim
cihângirâne bir devlet çıkartdık bir aşiretten
biz ol ulvi-nihâdânız ki meydân-ı hamiyette
bize hâk-i mezar ehven gelir hâk-i mezelletten
ne gam pür-âteş-i hevl olsa da gavga-yı hürriyet
kaçar mı merd olan bir can için meydân-ı gayretten
kemebd-i can-güdâzı ejder-i kahr olsa cellâdın
müreccahtır yine bin kerre zencir-i esâretten
felek, her türlü esbâb-ı cefâsın toplasın gelsin
dönersem kahbeyim millet yolunda bir azimetten
anılsın mesleğimde çektiğim cevr ü meşakkatler
ki ednâ zevki âlâdır vezâretten, sadâretten
vatan bir bi-vefâ nâzende-i tannâza dönmüş kim
ayırmaz sâdıkan-ı aşkını âlâm-ı gurbetten
müberrâyım recâ vü havfden indimde âlidir
vazifem menfaatten hakkım agrâz-ı hükümetten
civanmerdân-ı milletle hazer gavgadan ey bidâd
erir şemşir-i zulmün âteş-i hûn-i hamiyetten
ne mümkün zulm ile bidâd ile imhâ-yı hürriyet
çalış idrâki kaldır muktedirsen âdemiyetten
gönülde cevher-i elmâsa benzer cevher-i gayret
ezilmez şiddet-i tazyikten te'sir-i sıkletten
ne efsûnkâr imişsin âh ey didâr-ı hürriyet
esir-i aşkın olduk gerçi kurtulduk esâretten
senindir şimdi cezb-i kalbe kudret setr-i hüsn etme
cemâlin tâ ebed dûr olmasın enzâr-ı ümmetten
ne yâr-ı can imişsin âh ey ümmid-i istikbâl
cihanı sensin âzâd eyleyen bin ye's ü mihnetten
senindir devr-i devlet hükmünü dünyaya infâz et
hüda ikbâlini hıfzeylesin her türlü âfetten
kilâb-ı zulme kaldı gazdiğin nâzende sahrâlar
uyan ey yâreli şir-i jeyan bu hâb-ı gafletten
edit: şiirle ilgili içerik merakı hürriyet kasidesi üzerinden giderilebilir.
4.
-
yazar burda bilmediği bir dilden yazmıştır. açıklamasını umuyor sabırsızlıkla modern türkçeye çevrili halini okumak istiyoruz.
