1.
-
Eylesün lâ'lini derman dil-i bîmâre meded
Dostlar işte ben öldüm bana bir çâre meded
Güher-i câmı yitürdük bizi gam öldürüyor
Sâkıyâ gel bulıvir kanda ise ara meded
ihtirâz etmediniz aldılar elden câmı
Vâkıf itmen sakınım kimseyi esrâra meded
Zahm-ı sînemden okun parelerin hep alma
Dursun Allah'ı seversen hele bir pâre meded
Gice tenhâ işiği hâkine yüzler süreyin
Sakınun kimse haber virmesün agyâre meded
Mededin kalmadı feryâd ü figan eylemeğe
Sana kimden ire iy Bâkî-i bîçâre meded
baki
