1.
-
mercan dede'nin nar-ı ney isimli eserinde okunan kaside, sözleri şöyledir:
açıldı cennetin bâbı nesîmi pür-safâ geldi.
gülistân-ı cihâna revnak-u hüsn-ü bahâ geldi.
derûn-î mekke'den nûr-i nübüvvet parlayıp çıktı,
avâlim nûra gark oldu rasûl-î kibriya geldi.
beşîr-i ehl-i imânın nezîr-i ehl-i tuğyanın
habîb-i hak-tealâ'nın muhammed mustafâ geldi
anılsa her ne dem, ism-i şerîfi feyz-i hazırdır
bu gece bu meclise rûh-i resul-i rehnûmâ geldi.
vücuduyla şereflendi zemin-ü yesrib-ü batha
kudûmiyle bu zulmet-hâneye nûr-i ziyâ geldi.
sanemler devrilip düştü, sarayı çöktü
kisrânın mecûsun âteşi söndü ki bürhan-ı hüdâ geldi.
tarik-i hakkı göstermek için hem inse hem cinne
elinde hazret-i kur'an imamü'l enbiya geldi.
tilavet eyleyince hazreti kur'an'ın âyâtın
sudûr-i ehl-i iman'a ferah geldi, şifa geldi.
eyâ şah-ı rusül senden şefaat bekliyor;
lutfet! rızâ namında âvâre, kapına bir gedâ geldi
