Bir padişaa gitti askerini smotrit etmää. Kenarda buldu bir çiftçi sürärkan. Kolay gel, dedi ona. Dedi: Alla roz olsun. Padişaa dedi: Beslärmisin benim askerimi Şindi dedi çiftçi ona ölä Beslärim, dedi. benim var altı gemim, her altısı da dolusaydı, besleyämäm, ama üçü dolusaydı, üçü da boşsaydı beslärim ozaman. Padişah şindi düşündü, bulamadı o lafları, dedi o çiftçiyä: Sana, dedi. Oniki erkek yollarım, kırkarmıysın onnarı makazsız Kırkarım dedi.
Açan gitti konaana, padişah dedi onikilernä, dedi: Bir çiftçiyä sordum: beslärmisin benim askerimi. Dedi altı gemim var, dolusaydı altısı da besleyämäm, ama üçü boşsaydı, beslärim Şindi yolladı onikilerni atlı Gidin da üürenin bu lafları Açan gitti o onikilär, dedilär çiftçiyä Sölä bizä o lafı Dedi Bän sölärim sizä, verin oniki bin karbona Onnar da verdi. Da söledi onnara, dedi Mart, Aprel hem May her olursa yaamur, olacek bereket, dedi. O üç yaş ayları, dedi. Üç gemi dolu. Her iyün, iyül hem Avgust olursa kurak, da adam o ekinneri düvecek, o üç kurak ayları, dedi. Üç boş gemi Neçin dedin, altı gemin var, her hepsi doluysa, besläyämäm? Zerä neçin altı ay yaşlık olursa, bereket olmaz yaşlıktan. Ama lääzım olsun üç ay kurak, üç ay da yaşlık. Üç yaş ayın bereketini, o üç kurak ayda düüsün. Şindi padişah çaardı o adamı, dedi Bän sana söledim bir laf, oniki erkek yolladım kırktın mı makazsız O da dedi: Kırktım, çıkardı oniki bin karbona. Tä, dedi. kırktım makazsız . Bu şindi geler bölä.
--spoiler--
