büyük şair nef'i'nin siham-ı kaza'sında yer alan, sadrazam olmak isteyen ama buna muvaffak olamayan, kendi yerine sadrazam yapılan gürcü mehmet paşa'yı katakulleye getirip boğdurtan, kaptan-ı derya recep paşa'ya yazdığı muhteşem kaside.
gürc-i hınzîr a samsun-ı muazzam a köpek
kandasın kanda nigeh-bânî-yi âlem a köpek
vây ol devlete kim ola mürebbîsi anın
bir senin gibi denî cehl-i mücessem a köpek
ne güne kaldı meded devlet-i âl-i osman
hey yazık hey ne musibet bu ne matem a köpek
ne ihanettir o sadra bu zamanda andan
olmaya sahibi bir âsaf-ı ekrem a köpek
pây-mâl eylediniz saltanatın ırzını hep
yok yere oldu telef ol kadar âdem a köpek
sen kadar düşmen-i devlet mi olur hınzır
ne durur saltanatın sahibi bilmem a köpek
add olunsa eğer esbâb-ı nizâm-ı devlet
seni katl eylemedir cümleden akdem a köpek
ehl-i dil düşmeni din yoksulu bir mel'unsun
öldürürlerse eğer cân-be-cehennem a köpek
sende islâm eseri olsa eğer zerre kadar
eylemezdin alaman-zâdeyi hem-dem a köpek
bu kadar cürm ile sen sağ olasın da yine ben
vâcibü'l-katl olam ey bahtek-i azlem a köpek
hele bu hükme gâvur kadısı olmaz râzî
kanda kaldı ki müselmân-ı müsellem a köpek
seni hicv etmek ile katle neden istihkak
sen nesin bilmem eyâ kâfir-i mübhem a köpek
sana şetm eylemek olursa eğer katle sebeb
katl-i âm eyle heman durma dem-â-dem a köpek
bî-güneh katle rızâ var mı şerîatte sor â
gör ne der hazret-i müfti-i mükerrem a köpek
tutalım müfti sükût eylese hak söylemede
yok mu bir dâd-ger ü a'del ü ahkem a köpek
hak götürdü arabı gitti hele dünyâdan
kim götürse akabince seni bilsem a köpek
