43.
-
Bağ-i dehrin hem hazanın hem baharın görmüşüz
Biz neşatın da gamın da ruzgarın görmüşüz
Çok da mağrur olma kim meyhane-i ikbalde
Biz hezaran mest-i mağrurun humarın görmüşüz
Top-ı ah-ı inkisara paydar olmaz yine
Kişver-i cahın nice sengin-hisarın görmüşüz
Bir huruşiyle eder bin hane-i ikbali pest
Ehl-i derdin seyl-i eşk-i inkisarın görmüşüz
Biz hadeng-i can-güdaz-ı ahdır sermayesi
Biz bu meydanın nice çapuk-süvarın görmüşüz
Bir gün eyler dest- beste paygahı caygah
Biaded mağrur-ı sadr-ı i'tibarın görmüşüz
Kase-i deruze tebdil olur cam-ı murad
Biz bu bezmin Nabiya çok bade-harın görmüşüz
Nabî
