çözülme zülfüne ey dil-rübâ dil bağlayanlardan
kaçınma âteş-i aşkınla bağrın dağlayanlardan
düşer mi ictinâb etmek seninçün ağlayanlardan
sirişk-i çeşmimin bak farkı var mı çağlayanlardan
gelüb vakt-i bahar âlem saf â-yı gül-şen etdikde
nevâ-yı bülbülü gûş-i gül-i ra'nâ işitdikde
uyub ahbâba sen de seyr-i sa'd-âbâd'a gitdikde
sirişk-i çeşmimin bak farkı var mı çağlayanlardan
senin bir reng-i zîbân var ki gül-berg-i izârmda
bulunmaz gül-sitân-ı âlemin bâğ-ı baharında
otur ihrama ârâm et bir az havzın kenarında
sirişk-i çeşmimin bak farkı var mı çağlayanlardan
hevâ-yı perçeminle başka bir hâlet olur serde
yeni başdan misâl-i vâsıf uğratdın beni derde
gamınla gerçi çokdan ağlarım amma bugünlerde
sirişk-i çeşmimin bak farkı var mı çağlayanlardan.
not: herifi tanımıyorum, bu beyiti de ekşiden çaldım.
