?.
-
Hûbân-ı zamândan çekilir mi sitem-i aşk
A'dâmızı Hak eylemeye müttehem-i aşk
Mutrib çek elin biz düzelim sâz-ı figânı
Uymaz ney ü tanbur ü kemâna nagam-ı aşk
Dervîşleriz hazret-i Mecnûn kolundan
Girdik bu yola hırka kefen lokma gam-ı aşk
Fermânberim oldu benim iklîm-i mahabbet
Kim sînemi tabl eyledim âhım alem-i aşk
Ol sîneye ben sîne demem kimde olursa
Bir sînede kim olmaya izzet elem-i aşk
*
