alevi-türkmen soykırımı için söylediklerinin bir bölümü şöyledir:
---alıntı---
müslimanlar bilün ve âgâh olun, şol tâyife-i kızılbaş ki reisleri erdebil-oğlu ismail'dür, peygamberimizün aleyhi's selât ve's-selâm şeri'atini ve sünnetini ve din-i islâm ve ilm-i dîni ve kur'an-ı mübini istihfaf itdikleri ve dahi allahu taâla harâm kılduğı günahlara helâldür didükleri ve istihfafları ve kur'an-ı azîmi ve mushafları ve kütüb-i şeri'ati tahkir idüb oda yakdukları ve dahi ülemâya ve sülehâya ihânet idüb kırub mescidleri yıkdukları ve dahi reisleri la'ini mabûd yirine koyub secde itdükleri ve dahi hazret-i ebî bekr'e radıyallahu anhu ve hazret-i ömer'e radıyallahu anhu söğüb hilâfetlerine inkâr itdükleri ve dahi peygamberimüzün hâtûnu âyişe ânâmuza (radıyallahu anha iftirâ idüb) söğdüleri ve dahi peygamberimüzün aleyhi's-selât ve's-selâm şer'ini ve dîn-i islâmı götürmek kasdın itdükleri bu zikr olunan ve dahi bunların emsâl-i şer'e muhâlif kavilleri ve fı'illeri bu fakir katında ve bâki ülemâ-i dîn-i islâm katlarında (tevâtürle) malûm ve zâhir olduğı sebebten biz daha şeri'atün hükmi ve kitâblarımuzun nakli ile fetvâ virdük ki ol zikr olınan tâife kafirler ve mülhidlerdür ve dahi her kimse ki ânlara meyl idüb ol bâtıl dinlerine râzı ve muâvin olalar, ânlar dahi kâfirler ve mülhidlerdür, bunları kırub cemâatlerin dağıtmak (cemi müslimanlara) vâcib ve farzdur, müslimanlardan ölen sa'id ve şehîd cennet-i a'lâdadur ve ânlardan ölen hor ve hakir cehennemün dibindedür, bunlarun hali kâfirler halinden eşedd ve ekbahdur, zirâ bunların bugazladukları ve dahi saydları gerekse gayrden alsunlar bâtıldur ve dahi bunlar kimseden mirâs yemek yoktur (ve bir nâhiye ehli ki bunlardan ola) sultan-ı islâm e'ezze'l-lahu ensârehu içün vardur ki bunlarun (ricâllerin katl idüb) mallarını ve nisâlarını ve evlâdlarını guzât-ı islâm arasında kısmet ide ve bunların ba'de'l-alız levbelerine ve nedametlerine iltifât ve i'tibar olınmayub katl oluna ve dahi bir kimse ki bu vilayetde olup ânlardan idügi biline ve yahud ânlara giderken tutula katl oluna ve bicümle bu tâyife hem kâfirler ve mülhidlerdür ve hem ehl-i fesaddur, iki cihdetden katil(leri) vacibdür. allahümme ensur men nasare'd-dine ve ahzel men hazale'l-müslimîne, el-müfti ez'afu'l-ibâd hazma el fakir eş-şehir bi saru görez.
---alıntı---
